Kim Chiu ayaw tigilan ng mga intriga!
Hindi pa rin mamatay-matay ang isyu na si Kim Chiu daw ay isang “anoxeric” dahil daw sa sobrang payat ng batang aktres. Makailang beses na ring sinagot ni Kim ang nasabing isyu ngunit wala pa rin tigil sa papanira ang ibang tayo sa bonggang-bongga niyang karera sa showbiz.
Ang kwento nga ni Kim, eh, tuwing nagkakaroon daw siya ng pagkakataon na magbasa ng mga blogs at forums sa Internet, eh, lagi na lamang siyang nakakabasa ng mga kumento sa kanyang timbang. Syempre, natural lang naman sa isang fan na mag-alala kapag ang iniidolo mo ay nangangayayat.
Ano nga ba ang mamagawa ni Kim kung talagang nasa genes niya ang pagiging mapayat. Ang sabi pa nga ng aktres, eh, talagang mapapayat silang magkakamag-anak. Kaya naman hindi malayong namana ni Kim ang pagiging payat mula sa mga magulang niya.
Kwento pa ni Kim, mayroon daw isang pagkakataon na parang ayaw na niya magbasa ng blogs at web forums sa Internet dahil puro na lang daw negative ang nababasa niya. Nakakawalang gana rin naman kasi kung marami kang negative write-ups na mababasa.
Pero, ang mas nakakawindang na chika, eh, ang KIMERALD fans, eh, tila nag-aaklas sa management nang ABS-CBN dahil hindi si Kim Chiu ang katambal ni Gerald Anderson sa bagong palabas ng ABS-CBN na Ang Agimat – Ramon Revilla series. Mayroon pa ngang chika na hindi susuportahan ng KIMERALD fans ang nasabing solo project ni Gerald Anderson. Hindi daw kasi bagay si Gerald kay Erich Gonzales at kay Kim lamang daw nababagay si Gerald. Hmmm…
Siguro, mas maganda kung susuportahan na lamang ng Kimerald fans ang bawat proyekto ni Kim at Gerald magkasama man sila o hindi.
